Andlegur samtími

Skoooooooooo

ég þekkti einu sinni konu
sem þekkti mann
sem þekkti gamlan maaaaaannnnnn
en maðurinn kláraði úr fötunni og reif upp sláturgarnið eins og honum væri borgað fyrir það
þá kom hundurinn og sagði hingað og ekki lengra
ég tek ekki endalaust þátt í þessu hvalfjarðarugli í ykkur
hvað er það?
afhverju þurfa allir alltaf að vera með frosnar ýsur á svölunum á miðnætti 13. júní
þeir segja að þá muni sólin syngja í hjartanu
og gul fiðrildi klekjast út í hverri heimsálfu
fljúga svo í átt að heimsbaug þar sem þau hittast á fjórðu breiddargráðu
og bera út boðskapinn um hæsta lífsástand jarðarinnar
og jörðin mun breytast í paradís
og hinir trúuðu munu gráta
því þeir sjá

að Guð er ekki til

Tómas

Það er súrt að þurfa að sitja á nálandsskafti í flöskuhaus undan tréköflum
sagði maðurinn sem var ættaður úr ættinni
og strauk nett yfir nýþeginn skósólann sem hann erfði úr tvíbökupakka á hátíðartilboði í kaupfélaginu

Mér er sama hvað hver segir!
kaupfélag hljómar víst eins og undirmjúkur og ljúfsár lagbútur
sem festist á heilanum eins og pálmi gunn þegar hann er nýkominn úr sturtu
Svo sagði hún að þú
hefðir tekið upp svuntuna sem hélt uppi samræðum vinstri og hægri
en ekki afturábak
var það óvart eða viljandi
eða kannski græn fingurbjörg
úr því verður kannski aldrei skorið og fólk um allan heim heldur áfram að lifa lífinu eins og ekkert hafi í skorist
meðan líkþornasápann klárast og þornar upp fyrir framan nefið á þeim
og litlar sætar íkornaloppur horfa tómum augum oní lífsins kistur sem hrópa á súkkulaðismjör með mikilli vanillu!!!
en sleppa sykri því hann veldur fíkn

maðurinn sem var ættaður úr ættinni kom inn úr gættinni með sólann í einni og hrópaði
Ég skíri þig Tómas!
jaaáá það er fallegt nafn á sómasóla

Laugardagsgleði

Eftir miklar vangaveltur og pælingar
hef ég komist að þeirri niðurstöðu
að það er engin niðurstaða
slátursaumaðar
Hvað myndi gerast ef að ef væri ekki ef??
já þegar stórt er spurt spyr maður sjálfan sig
eru gallabuxur á finnsku?